CPTyî eşkera kerd ke pîya bi heyetêkî 20-22ê êlula 2022yî de çarçewaya zîyaretê Tirkîya de Îmrali zîyaret kerdo.

CPTyî da zanayene ke înan semedê cipersayîşê proseduranê kesanê xerîbanê ke yenê destbendkerdene, tepiştene û tebersînorkerdene Tirkîya zîyaret kerd û vat ê sey heyetêkî semedê cipersayîşê rewşa çar tepişteyanê Îmraliyî şîyê Îmrali zî. Eşkerayîye de ame vatene ke çarçeweya zîyaretî de Wezîrê Karanê Zereyî yê Tirkî Suleyman Soylu, Serekê Îdareyê Barkerdişî Savaş Unlu û îdarekaranê Wezîrîya Karanê Zereyî, Karanê Teberî û Edaletî reyde derheqê Îmraliyî de qisey kerd û înan ra vato çîyê ke înan rewna semedê Îraliyî vatî wa bêrê caardene. CPTyî vat înan  çimdarîya xo ya verêne teqdîmê makamanê tirkan kerdî.

CPTyo ke 46 welatanê ke endamê Konseya Ewropa yê de bê destûrê hukmatanê muxataban eşkeno zîndanan zîyaret bikero 1999 ra nata 8 û 10 serranê peyênan de têna hîrê rey heyet şawit Îmrali. Tewr peynî de 6-17ê gulana 2019î  de şeş kesan ra heyete CPTyî Îmrali zîyaret kerdbi.