Wekîlê DEM Partî Omer Faruk Gergerlîogluyo ke derheqê şirîkêkê Çeteya Yenidoganî Nêweşxaneyê Medilife de 2022 de vernîyazê persan dabi ANFyî rê qisey kerd.

Gergerlîogluyî da zanayene ke di serrî verê cû keyeyêkê mexdûrî muracatê ey kerdo û vat: ''Babîyî mi rê vat ke cinîya ci rê Medilife de weledîyayîşo normal herinda sezeryanî de ameyo ferzkerdnene coka baskêka lajê ci seqat bîya. Babîyî MR zî tîya de bi pereyan girewto û nêweşxaneyêkê bînî de raştîyan museno. Ma derheqê ney de Wezîrîya Weşîye rê vernîyazê persan da la di serrî yo cewab nêdîya ma.

Mi bi xo Wezîrê Weşîye yê ê çaxî Fahrettîn Kocayî de qisey kerd.Nê nêweşxaneyî di keyeyî mexdûr kerdê. Eke di serrî verî wezîrîye cigêrayîş bikerdêne nê dergûşî do nêmerdêne. Fahrettîn Koca û Wezîrê Weşîye yê nê çaxî Kemal Memîşoglu mesuldarê nê mergan ê.''

Gergerlîogluyî dîyar kerd ke polîtîkayanê weşîye yê îqtîdarî ra û bê kontrolkerdişî ra nê qirkerdişî qewimîyayê û vat: ''Nêweşxaneyî nênê kontrolkerdene coka bîyê cayê rantî. Eşkera yo serekê na çete paştîya xo daya serweranê sîyasetî. Ganî no bêro perskerdene; mîyanê nê karî de hinî kamî est ê?''