Bernameyê "Panaroma" yê kanalê ARD'yî de behsê şorişê Rojawanî ame kerdene. Hamburg ra aktîvîstêkî bi nameyê Felîxî behsê şorişê Rojawanî kerd.

Felîxî da zanayene ke serrêk û nêm o Rojawan de yo,  berardişê tabîî-ekolojîkî zî tede tewrê zafê projeyanê komelê sivîlî bîyo û vat: "Îdareyê cêrî ra corî, têdûştîya rastikêne ya cinî û camêrdan tîya de yena tetbîqkerdene. Nê pêro nika hedefê Tirkîya de yê."

Felîxo 29 serre ke nika Dêrik de yo, îfade kerd ke heta ci ra bêro do Rojawanî terk nêkero. Felîxî vat merdim Rojawan de çi biwazo bi hawayêkê azadî  yeno ca û wina dewam kerd: "Merdim eşkeno kitabanê şorişî biwano. Labelê mi tîya de şorişo ke kitaban ra wend, bi xo nas kerd û tewrê ci bîya."

Felîxî vist vîrî ke destpêkerdişê hêrişanê Dewleta Tirkan ra dima tehlûkeyê pakîya etnîke herême de esto ke şarê herême vera hêrişan xo ver danê. Felîxî vat: "Ez tayê merdiman şinasnena, seba ke tewrê xoverdayîşî bibê domanê xo erşawitê şaristananê cîyayan. Labelê ê bi xo tîya de mendî."