Festîvala Kulturê Kurdan a Mîyanneteweyîye ya 31. Bajarê Frankfurtî yê Almanya dest pêkerde.

Sere de Almanya, Swîsre, Belçîka, Îtalya, Avusturya, Hollanda, Swêd û Fransa ra saetanê serê sibayî ra bi bi hezaran kurdîstnaijan  bi tren, otobus û wesayîtan parka Rebstockî de ameyî têhet. Kurdîstanijan bi kincanê xo yê neteweyîyan û flamayanê xo kuçeyê Frankfurtî xemilnayî. Pankartê ''Kurdan rê azadî û statu'' sehne de ame daliqnayene, warê festîvale de bi seyan fotografê Rayberê Şarê Kurdî Abdullah Ocalanî ameyî akerdene.

Bi hezaran kesê ke fotografanê şehîdanê Kurdîstanî kirişenê bi slogananê  “Bijî Berxwedana PKK’, “Be Serok Jiyan Nabe” qîrenê.

Warê Festîvala ke bi renganê neteweyî yê Kurdîstanî xemilîyayo, semedê nasdayîşê kulturê kurdan standî ameyî kerdene û nuştoxî wendoxanê xo reyde yenê têhet.

Festîvala ke bi şîarê 'Serra 100. ya Lozanî de meseleya kurdan rê çareserîye,  Kurdîstanî rê statu' yena kerdene, dîyarîya şehîdanê Qirkerdişê Parisî Evîne Goyî, Mîr Perwer û Abdurrahman Kizilî ameye kerdene.