Fîlozof û sosyolog Edgar Morin (104) o ke dinya de namdar o Heyetê Îmraliyî rê mesajêk şawit û vat o paştî dano Vengdayîşê Haştîye û Komelê Demokratîkî yê Rayber Apoyî yê 27ê sibate.

Mesaj de nê ameyî vatene: ''Ez sey roşnvîrê ke fîkrê azadî û munaqeşeyanê demokratîkan sey erjê hemparî yê merdimîye vînena, paştî danê prosesê bedilnayîşê demokratîkî yê Tirkîya.  Ez veng dana ke wa her kes seba ke şarê kurdkî û tirkî bieşko pîya biciwîyo wa paştî bido nê prosesî ke vi vendayîşê selamdayîşê Serekê MHPyî Devlet Bahçeliyî dest pêkerd û bi vengdayîşê Rayberê Şarê Kurdî Abdullah Ocalanî heta ewro ame. Sokratesî ra nata ma zanê ke merdim bi fîkrê xo yê azadî û kesanê bînan de qiseykerdişî beno merdim. Xora fîkîryayîş dîyalo bêveng ê merdimî bi xo nîyo?

Haştîye a ya ke merdimî bi xo û kesanê bînan reyde azad bieşko qisey bikero. Haştîye seyyewbînbîyayîş nîyo firset yewbîndayîş o. Bê çînkerdişî cehdkerdişê îknakerdişî yo. Prosesê haştîye û demokratîkbîyayîşî yê Tirkîya hewcedarîyêka anorê merdimîye ya. Nê semedî ra vera pêverdayîşê herêmî yê emperyalîzmî ez dana pêhesnayene ke ez paştî dana yewîya şaranê kurda û tirkî.

Wa biciwîyo azadîye, wa biciwîyo demokrasî.''