TJK-Fyî seba ke bale bianco qirkerdişanê dewleta tirke yê vera domanan ser verê UNICEFî de çalakîye kerde û vist vîrî ke Tirkîya bi hêrişanê droneyê çekdarî Rojawan de tewr tay 50 domanî qetil kerdê.
Têgêrayîşê Cinîyan ê Kurdan ê Fransa (TJK-F) seba ke bale bianco qirkerdişanê dewleta tirke yê vera domanan paytextê Fransa Paris de verê UNICEFî de çalakîyêke kerde. TJK-Fyî fotografê domananê ke ameyî qetilkerdene û pankartê bi nuşteyê 'dewleta tirke qirkerdişî kena', 'Rojawanî bipawê' akerdî.
TJK-Fyî eşkerayîya xo de da zanayene ke Tirkîya bi hêrişanê droneyê çekdarî Rojawan de tewr tay 50 domanî qetil kerdê. Eşkerayîye de ame parekerdene ke dewleta tirke ya îşxalkere merkezêkê perwerdeyî yê domanan bi droneyê çekdarî kerdo hedef û nê hêrişî de 4 domanê kênayî ameyê qetilkerdene, 11 domanî zî birîndar bîyê. TJK-Fyî ard ziwan ke dewleta tirke dewamê DAÎŞî ya.
Peynîya çalakîye de venga komelê mîyanneteweyî ame dayene ke nê hêrişan rê vajo bes o. Dima fotografê domanan bînaya UNICEFî de ameyî daliqnayene.
