Bi vengdayîşê Kongreya Înşa ya Dêrsimî Merkezê Kulturê Elewîyan ê Oberurselî yê Frankfurtî de elewîyan Seyîd Riza û hemrayê ci yê ke 85 serrî verî ameyî îdamkerdene, yad kerdî.

Parlamentere Gokaye Akbulut, Akademîsyen Yektay Turkyilmaz, Hemsereka Kongraya Înşa ya Dêrsimî Hulya Yer, Sosyolog Huseyîn Çatal tewrê ci bîyî. Aktîvîteya ke moderatorîya ci Ali Gulerî kerd pê rezgirwtişî dest pêkerde. Dima ra qiseykerdişê akerdişî hetê Pîr Îbrahîm Kilavuzî ra ame kerdene. Klavuzî vist vîrî ke elewîyî tim heq, edalet, seyyewbînîye û azadîye wazenê û vat: ''Ma çirayanê xo bi waştişê dinyayêka bêşer û bêgonî ya ke tede qicê ma nêmirenî, nêbermenî fînenî ta.''

Hulya Yer zî ard ziwan Terteleyê Dêrsimî 85 serrî xo dima verdayî la hema zî qirkerdişî dewam kenê û vat: ''Dewleta tirke ewro zî vera gerîlayan ganzanê axuyinan şuxulnena. Sey a roje ewro zî kurdan pê gazan qetil kenê.Coka ma veng danê OPCWyî ke wa şîrikê sûcê gazanê axuyinan ê dewleta tirke mebo.''

Huseyîn Çatal zî bale ante polîtîkayanê qirkerdişî yê vera Dêrsimî ser û vat kenê ke Dêrismî her hetî ra çîn bikerê.