Sergêra 41. a ronayîşê PKKyî şaristanê Bordeauxî yê Fransa de bi tewrbîyayîşê bi seyan kurdîstanijan û fransizan ameye fîrazkerdene. Aktîvîteya fîrazkerdişî de hemserekanê DTMyî Mehmet Vartoyî û Bedîa Rojava qisey kerd. Qiseykerdişan de ame vatene: "No têkoşîn 41 serran ra nat bi ruhê Çîçek Botan, Çîyager û Delal Ahmedan xo ver dano." Aktîvîte de sloganî ameyî vatene û şewe bi bernameyê muzîkî qedîyaye.

Serrgêra 41. a ronayîşê PKKyî şaristanê Lyonî yê Fransa de zî bi hawayêkê bicoşî ameye fîrazkerdene. Aktîvîteya fîrazkerdişî hetê Komeleya Kulturî ya Mezopotamya ra ameye serûberkerdene û şewe de sîyasetmedarê kurdî Kemal Aktaşî qisey kerd. Aktaşî vat: "Licê de 22 ciwanî birêke daye û seba tarîxî dewrêkê newe dest pêkerd. Na bire ra dima dişmenî kewtî zorî. Şarê kurdan, zîndanî û gerîlayî no têkoşîn kerd pîl û no têkoşîn do hîna pîl bibo."

Nameyê AMITIS Kurdes de Lyon (Komeleya Dostîya Kurdan) ser o Elisabethe Nectoux û Thierry Lamberthodî qisey kerd. Her dîyan zî îfade kerd ke ê do dewam bikê ke paştî bidê kurdan. Aktîvîteya fîrazkerdişî de Koma Herêmî, Bêrîvane, Xanemîr, Eleonore Fourniau û Farqîn vejîyayî sehne ser. Aktîvîte bi sloganan û deyîran qedîyaye.