Marsilya, Toulouse û Montpellier de semedê wedaritişê qedexeyê vera PKKyî îmzayî ameyî arêdayene. Çalakîyan de PKK sey têgêrayîşê azadîye yê kurdan ame namekerdene û ame vatene ke şar nê qedexeyî qebûl nêkeno.
Bajaranê Marsilya, Toulouse û Montpellierî yê Fransa de semedê wedaritişê qedexeyê vera PKKyî standî ameyî akerdene û îmzayî ameyî arêdayene.
Marsilya de serkêşîya Meclîsê Cinîyan ê Arîne Mîrkan de merkezê bajarî de standa ame kerdene, vilawekî ameyî vilkakerdene û xeylêk îmzayî ameyî arêdayene. Çalakîye de dozvîz û pankartê PKK têgêrayîşê merdimiye yo, PKK têgêrayîşê azadîyê yê şarêkî yo û fotografê Rayberê Şarê Kurdî Abdullah Ocalanî bale ante xo ser.
Seba ke PKK lîsteya terorî bêro vetene bajarê Toulouse zî verê Unîversîteya Mirailî de standê îmzayan ame kerdene û zaf eleqe dî.
Bi eynî waştişî Montpellier de zî serêkşîya Komînê Cinîyan ê Delale Amed de îmzayî ameyî arêdayene. Aktîvîteyê standî do hewteyê verê ma de deam bikerê.
