Vera qedexeyê serê PKKyî îmzayî arê dîyayî
Xeylêk şaristananê Ewropa de seba ke PKK lîsteya terorî ra bêro vetene îmzayî arê dîyayî.
Xeylêk şaristananê Ewropa de seba ke PKK lîsteya terorî ra bêro vetene îmzayî arê dîyayî.
Paytextê Fransa Paris de aktîvîstanê TCŞyî standêk na ro û dest pê arêdayîşê îmzayan kerd. Çalakîye de polîsan ciwanî girewtî binê ablûqa. Rixmê astengîyan zî ciwanan standî nêwedaritî û xebatanê xo rê dewam kerd.
Şaristanê Mannheimî yê Almanya de serkêşîya Meclîsê Komelê Kurdan û Meclîsê Cinîyan ê Ronahî de standêk ronîya. Çalakîkeran nêzdîyê 200 îmzayî arê dayî û derheqê qedexeyî de broşurî vila kerdî.
Şaristanê Frankfurtî yê Almanya de vera qedexeyê serê PKKyî îmzayî arê dîyayî. Standê îmzayan eleqeyêko pîl dî. Wina pawîyeno ke heta menga êlule kampanyaya îmzayan bêra dewamkerdene. Xebatkaranê DKTM-Frankfurtî venga pêro kurdîstanijan da ke wayîrê erkanê xo vejîyê.
