Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 537. de dewam kena. Nobete no hewte hetê aktîvîstanê Sîwana Meclîsanê Cinîyan ê Êzidîyan (SMJÊ) ra ameye dewrgirewtene.

 Kome de Fîkrîye Ferho, Zubeyde Xebat, Zero Kiwexî, Sosine Kartal û Ayhan Îgrek ca gênê. Fîkrîye Ferho nameyê kome ser o qisey kerd û ard ziwan ke caardişê azadîya Rayberê Şarê Kurdî Abdullah Ocalanî wezîfeyê înan o sereke yo.

Fîkrîye Ferho vat: ''Ma nameyê SMJÊ ser o beşdarê nobete bîyî. Ma azadîya Rayber Apoyî sey wezîfeyê xo yê bingeyînî vînenê. Ma pê fikr û felsefeya ey azad bîyê. Wayîrvejîyayîşê Rayberîye wezîfeyê ma yo. Ma tecrîdê Îmraliyî bi tûjî şermezar kenê. Heta ke Rayber Apo azad bibo ma do meydanan de bibê û xo ver bidê.''

Fîkrîye vist vîrî ke serrêke ra zêdeyêr a ê nêeşkenê Rayberê Şarê Kurdî ra xebere bigêrê û vat: ''Dezgehê ke vanê ê heqanê merdiman pawenê ça de yê? Çira vengê înan nêvejîyeno?''