Avûkatê Rayberê Şarê Kurdî Abdullah Ocalanî Serbay Kokluyî wextê tehlukeyê vîrusê Korona de derheqê rewşa Îmraliyî de qisey kerd.

Serbay Kokluyî vat: ''Nê prosesê nêweşîye de zîndanî binê rîskêkê pîlî de yê. Nika seba zîndanan zaf tedbîran û vurnayîşan ser o yeno munaqeşekerdene. Labelê seba Zîndanê Îmraliyî tedbîrêk nêame girewtene. No caardiş 21 serran ra nata dewam keno. Rewşa Birêz Ocalanî têna seba şexsêkî nê, seba pêro şarê kurdî girîng a. Serebûtê ke Îmrali de qewimîyenê tesadufî nîyê. Xora cara nika Îmrali de tecrîdêko bêheqûq û exlaq esto. Naye ra ganî Birêz Ocalan bi xo bieşko rayaumûmîye û şarî reyde qisey bikero.

Dima ke vîrus Tirkîya de vejîya meydan ma muracatê Serdozgerîya Bursa, Mehkemeya Înfazî û Wezaretê Edaletî kerd. Waştişê ma nê yê; kontrolê muwekîlê ma bêro kerdene, hacetê testî yê Covid-19î wa zîndan de bibo, derheqê netîceya testan de ganî ma bêrê zanayîşdayene, muwekîlê ma rê hacetê hîjyenî bêrê dîyene, personelî pêrp tedbîranê xo wa bigêrê. Înan reyde ganî avûkat û keyeyê ci bieşkê Birêz Ocalanî reyde pêvînayîş bikerê û ganî Îmrali de zî heqê telefonî bêro xebitnayene. Ma muracatê Mehkemeya Înfazî kerd û waşt ke derheqê tedbîran de ke ameyî girewtene bêrê zanayîşdayene la mehkeme no red kerd. Ma do bi israr muracat û waştişanê xo dewma bikerê.''