Tepişteyê sîyasîyî vera tecrîdê Îmraliyî û seba çareserîya meseleya kurdan 27ê teşrîna peyêne ra nata grevê vêşanîye de yê.

Avûkatanê Komeleya Huqûqnasanê Seba Azadîye (OHD) Eda Onal derheqê grevê vêşanîye de ANFyî rê qisey kerd.

Eda Onal şîye zîyaretê tepişteyanê grevê vêşanîye û mesajê tepişteyan ardî. Eda Onal vat: ''Tepişteyî bi grevê xo venga welatperweran, rêxistinanê komelê sivîlî û komelê demokratîkî danê ke vera tecrîdê serê Abdullah Ocalanî û seba çareserîya meseleya kurdan têbigêrê. Tepişteyî vanê ke ganî pêro dinya de vera tecrîdê Îmraliyî çalakîyî bizêdîyê. Tepişteyî wazenê ke senî ke Afrîka de wayîrê Mandelayî ameyo vetene ganî pêro dinya de wayîrê Abdullah Ocalanî û fikranê ci bêro vetene.''

Eda Onal bale ante ser ke îdareyê zîndanan kenê ke bi cezayan verê grevî bigêrê û vat: ''A raşte îdareyê ke cara gêrenê bahaneyan bi nê grevî cezayanê dîsîplînî zêde bikerê. Îdareyî vera tepişteyan teda kenê. Ganî îdareyî nê zîndanan nê tewirê xo ra fek vra bidê û mesuldarîyanê xo bîyarê ca.''