Zîndanê Asayîşê Berzî yê Sîncanî de gardîyanan bi îşkenceyî miltê tepişte Ferhat Musayî şikit. Musa Başûrê Kurdîstanî ra yo.

Bager Sayako ke heman zîndan de tepişîyeno, roja 18ê adare de bi telefonî keyeyê xo de qisey kerd û vat ke gardîyanan hêrişê înan kerdo.

Sayakî îfade kerd ke heyeto ke Wekîlanê DEM Partî Gulcane Kaçmaz Soyyîgît û Omer Faruk Gergerlîoglu û OHDyî ra yeno pê, 12ê adare de zîndan zîyaret kerdo.

Sayakî ard ziwan ke heman roje gardîyanan hêrişê Ferhat Musayî kerdo û milê ey şikito. Sayakî pare kerd ke vera îşkenceyî tepişteyan dest pê çalakîya ‘qefilnayîşê berî û nêgirewtişê werdî’ kerdo.