Zîndanê Bunyanî yê Kayserî de gardîyanan tepişte Haşîm Erkolo ke mengêke verî fitiqî ra amelîyat bibi pêvînayîşê bi keyeyî ra dima erdî ra kaş kerd û da piro.

Haşîm Erkolî bi telefonî dadîya xo de qisey kerd û aye rê qala serebûtî kerde. Dadîya ey Gurbete Erkol da zanayene eke pêvînayîşê birayê ci ra dima Haşîm Erkol erdî ra ameyo kaşkerdene. Dayîke Gurbete vat: ''Lajê mi Haşîm telefon de vat ke 8ê teşrîna peyêne de pêvînayîşî ra dima gardîyanan o erdî ra kaş kerdo û berdo koxûşî. Gardîyanan ey rê gef wendo. Haşîm mengêke verî amelîyat bibi. Ma nê zulmî qebul nêkenê.''

Dayîke Gurbete venga rêxistinanê heqanê merdiman û avûkatan da ke wa derheqê babete de bi hîsgerî têbigêrê.