Greve vêşanîye yê ke rayberîya Leyla Guvene de semedê wedartişê tecrîdê sere Rayberê Şarê Kurdî Abdullah Ocalanî dest pêkerî roja 189’ine de yê. 1’ê Adare ra bi hezaran tepişteyî grevê vêşanîye de yê û 30 tepişteyî zî rojeyê mergî de yê.

Dayîkê ke domanê înan grevê vêşanîye de yê 35 rojî yo ke vernîya Zîndanê Gebze de çalakîya roniştişî virazenê. Çalakîya ke ewro zî dewam kerde parlamentere Muazzez Orhane û xeylî kesî zî tewrê ci bîyî. Çalakîye de polîsan reyna hêrişê dayîkan kerd. Dayîkan ra Sûltan Bozkurte vera hêrişan reaksiyon da û ard ziwan ke ê rixmê heme hêrişan do çalakîya xo rê dewam bikerê.