Gerîlayê Azadîye yê Kurdîstanî yê ke vera hêrişê îşxalî yê dewleta tirke têkoşînê xurtî kenê eynî wextî de dîmenanê çalakîyanê xo ancenê û zûranê dewleta tirke fînenê çiman ver.

Di dronê artêşa tirke ya faşîste yê Warê Xoverdayîşî yê Sîda yê herêma Zapî de gama ke vera Tunelanê Şerî yê Şehîd Adilî şuxulyayêne hetê gerîlayan ra ameyî wardayene. No raştîye reyna belge keno. Gerîlayanê ke nê dronî dayî war çalakîyanê xo û rewşa dişmenî wina ercnenê.

''Dişmenî  gama ke waşt Tunelanê Şerî yê Şehîd Adilî rê bibo nêzdî raştê xoverdayîş û çalakîyanê gerîlayan ame. Vera nê xoverdayîşî  mecbûr mend ke gamêke peyser agêro.  Pê teyarayanê şerî herême bombarduman kerdêne, teyareyê keşîfî gêreyêne û sere de  pê tanq, obus û havanan xeylêk teknîko cîya cîya şuxulnayene û herême binê bombardumanî de tepiştêne. Wextê hêrişan de bombayê fosforî zî ameyî şuxulnayene. Dişmeno ke vera gerîlayan ser nêkewt kerdêne ke pê bombardumanê giranî ser bikewo.

Dişmenî teqaberî dronan rê barkerdêne û dekewtişê tunalanê şerî de teqnayêne. Xeylêk rey dronî dîyayî war û xeberê ci ameyî parekerdene. Netîceya çalakîyanê ma de dronêk dîya war. Wextê teqayîşî de parçeyê dronî bîyî vila. 6 pervaneyê nê dronî est ê ke eşkeno teqaber wedaro. Yew dron zî ame destfînayene.

Her çiqas dişmen pê teknîkê giranî û çekanê kîmyewîyan hêriş bikero zî, tunalanê şerî de teqayîşan bikero zî vera îradeyê gerîlayan bin kewt. Çunke bawerî, soz û îradeyê gerîlayan est o. Operasyon hema dewam keno, heta nika çîyêk dest nêfînayo. Dişmen bin kewto.''