Dewleta tirke ya îşxalkere dewanê Memkava, Dara, Kaport û Nêbarî yê qezaya Geverî yê Colemêrgî de serê sibayî saete 04.00 de hêrişê îşxalî dayî destpêkerdene.

Hêrişan ra dima cendirmeyanê hêzanê taybetan eşt dewa Memkava ser. Leşkeran şar bi zorî keyeyî ra vet û cigêrayîş kerd. Cigêrayîşan ra dima kesê bi nameyê Zenure, Zine, Adile, Jiyane û Îlham Ozkaplan û 5 kesê bînê ke nameyê înan nêzanîyenê, ameyî destbendkerdene. 10 kesê destbendkerdeyî ameyî berdene bi Mudirîya Asayîşî ya Geverî û îfadeyan ra dima sewqê Edlîyeya Geverî bîyî.

Destûr nêdîya ke destbendkerdeyî avûkatanê xo bivînê.