Qezaya Geverî ya Colemêrgî de seba protestokerdişê serrgêra 24. ya Komployê Mîyanneteweyî yê 9ê Teşrîna Verêne yê serê Rayberê Şarê Kurdî Abdullah Ocalanî bi şîarê 'Ma ver bi azadîye şinê' rayraşîyayîşêkê çalakîye ame kerdene. Polîsan çalakîye de hêrişê şarî, rojnamegeran û wekîlanê HDPyî kerd.

Netîceya hêrişê polîsan de muxabîra Ajansê Mezopotamya (MA) Mazlum Ergîndenîz, muxabîra JINNEWSî Rabîa Onver û Hemserekê HDPyî yê Geverî Şoreş Dîrî zî tede 20 kesî ameyî destbendkerdene.

Hêrişê polîsan de Wekîlê HDPyî Habîp Eksîk û Saît Dede hetê polîsan ra erdî ra ameyî kaşkerdene û derbkerdene. Seba Eksîkî veng dîya ambulansî û o wedarîya nêweşxane. Kesê ke ameyê destbendkerdene otobusa asayîşî de tepişîyenê.