Ahmet Goksu qezaya Qereyazî ya Erziromî de 8ê êlula 2017î de bi bahaneya 'endamîya rêxistinîye' tepişîyabi û ci rê cezaya zîndanî ya 6 serran û 3 mengan amebî dayene. Dima ke cezaya ci amebî qetîkerdene Goksu 18ê çeleyî de Aydin de keyeyê kênaya xo de tepişîya. Keye û avûkatê Goksuyî nêzanenê ke o ho kamyew zîndanî de yo.

Lajê Ahmet Goksuyî Sîdar Goksuyî pare kerd ke 3 rojî yo ê babîyê xo ra xebere nêgênê û agahîye nêdîya keye û avûkatan. Sîdar Goksuyî îfade kerd ke verî zî babîyê ci asayîş de îşkence dîbî û ê pê rewşa babîyê xo qerqilîyenê.

Eşkera bibi ke Mudirîya Asayîşî ya Golbaşiyî de pê asin û binê çekan Goksuyî rê îşkence amebi kerdene.