Hemserekê Komeleya Huqûqnasan a Seba Azadîye (OHD Ferdi Sidarî ANFyî rê derheqê heqê hêvî de qisey kerd.

Ferdi Sidarî ard ziwan ke ganî hukmatê tirkî hinî semedê Rayberê Şarê Kurdî Abdullah Ocalanî proseduranê huqûqî bîyaro ca û nê vatî: ''Rewşa ceza û şertê înfazî yê Abdullah Ocalanî ramojnenê ke o eşkeno heqê hêvî bişuxulno la pratîk de no nîno caardene. Goreyê standaranê heqanê merdiman ê zereyê Tirkîya û mîyanneteweyîyî ganî prosedurê huqûqî bêrê caardene.

Goreyê Mehkemeya Heqanê Merdiman a Ewropa (MHME) badê cazadayîşî ra 25 serrî cuwa pê ceza ganî newera bêro destgirewtene. Heqê hukmwerdeyî est o ke biwazo cezaya ci newera bêra destgirewtene. Badê qerarî vera sebebanê ke humî sero tesîr kerd, ganî rewşa tecrîdî sero bêro vindertene. Goreyê qerar û selahîyetê Komîteya Wezîran a Konseya Ewropa Tirkîya ganî bedilnayîşanê ke hewce kenê bikero û cezaya girana ke îmkanê ci yê tehlîye çîn o ganî semedê wedaritişê ci mekanîzmayan bifîno dewre. Îqtîdarê tirkî ganî huqûqê zereyî û huqûqê mîyanneteweyîyî ganî heqê hêvî nas bikero.''