Senatorê Komarperestan Lindsey Grahamî seba ke Vakur û Rojhelatê Sûrîye ser o îşxalkarîye bêra vindarnayene vera qerarê Donald Trumpî ray dabi, na reye zî  hêrişanê Til Temirî û Kobane ser o hişyarîye daye.

Grahamî qiseyê Serekkomarê Tirkîya Erdoganî nîşan da ke vatibi "Ma wazenê şorê Kobane" û hişyar kerd ke ganî Erdogan têgêrayîşanê ke Kobane û Til Temir de nakokîyî zêde kenî, xo înan ra dûrî bigêro. Grahamî hesabê xo yê twîtterî ser o no mesaj da: "Eke herêmanê Kurdan û Xiristîyanan ser o hêrişê Dewleta Tirkan dewam bikê, têkilîya Tirkîya û DYA do biqedê. Ez veng dana Tirkîya ke ganî vindera û têkilîya xo ya ke pê ser bikewa, do xirab nêkera.