Endama Komeleya Huqûqnasan ê Azadan (OHD), Avûkate Mehtape Işikli bale ante ser ke zîndanan de binpaykerdişê heqanê merdiman zêdîyayî. Avûkate Mehtape Işikli derheqê babete de ANFyî rê qisey kerd.

 Avûkate Mehtape Işikli pare kerd ke tepişteyê nêweşî nêerşawîyenê nêweşxaneyî û cezaya dîsîplînî sey bahaneya ney yena mojnayene. Avûkate Mehtape Işikli vat: ''Muwekîlê ma yê ke tedawîya kanserî vînenê, xîret kenê ke pê dermanî biciwîyê.''

Işike da zanayene ke caardişê 'heyetê çimdarîya îdarî' dest nano veradayîşê bi şertî û vat: ''Zîndanan de cezaya dîsîplînî sey bahaneya veranêdayîşî şuxilîyena. No destsernayîşê heqî yo. Grevê vêşanîye ra semed zî tepişteyan rê zaf cezaya dîsîplînî dîyaye. Xora bi bahaneya janî warê spor, heqa û aktîvîteyan ameybî betalkerdene.

Pê nê cezayanê dîsîplînî tepişteyî heqanê xo ra dûrî yenê vistene. Cezaya dîsîplînî sîcîlê înan de yenê qeydkerdene. Ê qanûnî goreyê xo şirove kenê. Xora ke grevê vêşanîye qedîya zîndanan de teda û zorbazîye zêdîyayî. Cezayê dîsîplînî sey qesasê grevî yenê caardene.''