Grevê vêşanîye yê vera tecrîdkerdişê Rayberê Şarê Kurdî û binpaykerdişanê heqanê tepişteyan roja 221. de dewam keno. Tepişteyanê Zîndanê Mêrdînî pare kerd ke ê do apey gamêke nêerzê.

Tepişteyanê Zîndanê Mêrdînî pê mesajêkî da zanayene ke ê grevê xo de qerardar ê. Mesaj wina yo:

''Janê Kovîd-19î Zîndanê Mêrdînî de vila bîyo. Na nêweşîye embazanê ma rê tesîr kerd. Rixmê ney zî ma çalakîya xo ra grevê vêşanîye rê dewam kenê û dewam bikerê. Waştişê ma zelal û huqûqî yê. Ganî tecrîdê vera Rayberê ma Birêz Abdullah Ocalanî bêro wedaritene û heqê ci yê huqûqî bişinasîyê. Heta ke tecrîd bişikîyo ma do xoverdayîşê xo ra tawîz medê û apey gamêke nêerzê. Ma do qetî mîrasê têkoşînî rê dewam bikerê. Şarê kurdî yo welatperwer ganî heta tecrîdî biqedo têkoşîn bikero û bibo vengê tepişteyan. Nê esasî ser o ma selamê xo yê şorişgêrî şarê xo rê şawenê.''