Grêvê vêşanîye yê bêdem-bidore yo ke tepişteyanê sîyasîyan 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan dabi destpêkerdene, bi koma 7. roja 33. de dewam keno.

Tepişteyî xoverdayîş de qerardar ê û tedaya vera înan zî zêdîyena:

Zîndanê Tarsusî de îdareyî sole, lîmon û şeker nêdayî tepişteyanê grevê vêşanîye. Zîndanê Kandira de gardîyanan eşt koxûşanê tepişteyanê grevî û dest na hacetanê înan ser. Zîndanê Alanya de cezaya dîsîplînî û têkilîye dîyaye tepişteyan.  Zîndanê Riha de grevê vêşanîye prosesê janî de dewam keno û tepişteyan rê test nêno kerdene.  Zîndanê Şakranî de tim erzîyeno koxûşan ser, berhemê kantînî vay ê, fatûraya ceyranî zêdêr yena.

Tepişteyan da zanayene ke heta ke tecrîd biqedo ê do grevê vêşanîye dewam bikerê û venga her kesî da ke wayîrê grevê vêşanîye vejîyo.

Mexmûr

Grevê vêşanîye yo ke vera tecrîdê Îmraliyî Kampa Şehîd Rûstem Cûdîyî ya Mexmûrî de hetê Keyeyanê Şehîdan ra dîya destpêkerdene roja 12. de yo. Çalakîya grevê vêşanîye bi koma 6. dewam kena.