Zîndananê Tirkîya û Vakurê Kurdîstanî de tepişteyê dewaya PKK û PAJKî 27ê teşrîna peyêne ya 2021î ra nata vera tecrîdê Îmraliyî û binpaykerdişanê heqanê merdiman grevê vêşanîye de yê. Grevê vêşanîye roja 133. de bi koma 26. dewam keno.

Kampa Multecîyan a Şehîd Rûstem Cûdîyî (Mexmûr) de zî rayberîya cinîyan de 18ê kanûna 2020î de grevê vêşanîye dîyabi destpêkerdene. Çalakîye Dezgehê Keyeyanê Şehîdan ê Mexmûrî de roja 112. de dewam kena.

Kampa Lavrioyî ya Yunanîstanî de zî roniştoan vera tecrîdkerdişê Rayberê Şarê Kurdî dest pê grevê vêşanîye kerdbi. Çalakîya ke rayberîya Têgêrayîşê Ciwanan ê Şorişgêran, TJK-E û Merkezê Kulturê Kurdîstanî de dîyabî destpêkerdene 95 rojî yo dewam kena.