Vervatoxa HDPyî Ebru Gunay serrgêra Qirkerdişê Parisî de Sakîne Cansiz, Leyla Şaylemez û Fîdane Dogan yad kerdî.

Gunaye vat: ''8 serrî yo dewletê serdestî xîret kenê ke nê qirkerdişî mîyan bikerê. Ma kerdişanê nê qirkerdişê baş zanenê û se beno wa bibo ma do nêverdê ke qirkerdişî bêrê mîyankerdene.''

Gunaye bale ante xoverdayîşê wendekaranê Bogaziçi yê vera rektorê qeyîmî ser û vat: ''Şaristananê kurdan ra dima îqtîdar qeyûman erşaweno zanîngehan zî. Ma 5 serrî verî vatbi ke oyo ke ma rê ferz beno do pêro welatî rê vila bibo.''

Gunaye îdîanameyê derheqê 108 sîyasetmedaran ê kurdan de vist vîrî û vat: ''No îdîaname îsbat keno ke mehkemeyî hetê AKP-MHPyî ra ameyî çinkerdene. Ma do vera nê bêhuqûqîyan têkoşînê xo dewam bikerê. Îqtîdar pê têkoşîn û xoverdayîşê ma beno teng û ma do 2021î de xoverdayîşê bêmabên dewam bikero.''