Vervatoxa HDPyî Ebru Gunay  bînaya merkezî ya HDPyî de eşkerayîyêka çapemenîye daye û derheqê rojdemî de qisey kerd.

Gunaye derheqê destbendkerdişê Vervtoxa TJA Ayşe Gokkan de wina vat:''Ayşe Gokkan seba ke çimê cinîyan ê kurdan bitersê ameye destbendkerdene.''

Gunaye dima 1ê Teşrîna Peyêne Roja Kobanê ya Dinya viste vîrî û vat: ''Kobanê erjo hempar ê têkoşînê demokrasî û azadîye yê dinya yo. Paradîgmaya cinîya azade Kobanê de DAÎŞ bin kerd. Eke sey waştişê tay kesan Kobanê bin bikewtêne ewro DAÎŞ Iraq û Sûrîye de bibîyêne serdest. Ma zanenê ke DAÎŞ bi temamî nêqedîya.''

Gunaye bale ante raporê Neteweyan ê Yewbîyayeyan ê Tirkîya ser o û vat: ''Nê raporî talan îşxalê Serêkanîyê raşt vetî. Cergê OSOyî herêmanê kurdan de îşkence kenê, roniştoxan remnenê, pê zorî şar koçber kenê. Her hêrişê vera Rojawanî do ruh bido DAÎŞ.''

Gunaye qala rewşa peyêne ya Korona kerde û vat: ''Zîndanan de tehlukeyê Korona dewam keno. Zîndanê Xarpêtî de 12 tepişteyî pê vîrusî kewtî, pê bahaneya vîrusê Korona pêvînayîşê tepişteyan asteng benê. Ma wina fam kenê ke Wezaretê Edaletî tepişteyan nêpaweno. Eqsê ci pandemî kerde bahane.''