Vervatoxa HDPyî Ebru Gunay bînaya merkezî ya HDPyî de pê kombîyayîşêk rojdem ercna.

Gunaye bi wesîleya serrgêra şehadetê ci bi yadkerdişê Serekkomarê verênî yê Iraqî Celal Talabanî dest pê qiseykerdişê xo kerd û vat: ''Şehadetê Talabanî semedê ma pêrune vînbîyayîşêko pîl o.''

Gunaye bale ante Komployê 9ê Teşrîna Verên a 1998î yê vera Rayberê Şarê Kurdî Abdullah Ocalanî ser û vat: ''No komplo  têna semedê şarê kurdî nê semedê heme komelê Rojhilatê Mîyanênî bi sebebê dejanê pîlan ke pê kayanê leyminan ame kerdene. Hemkarê ke mîyanê nê planî de ca genê Tirkîya kaş kerd mîyanê rêşikê şerî. Komployî 23 serrî xo dima verdayî la hema zî pêrodayîş dewam keno.''

Guna dekalasyono ke înan amede kerdo vist vîrî û vat: ''Ma wazenê mesela çareser bikerê û semedê naye projeyan afernenê. Waştişê ma waştişê mîlyonan o. Waştişê şaran o ke wazenê merg, feqîrîye û eciqnayîşî ra bixelîsîyê. Seke yeno zanayene şarî paştî daye prosesê çareserî. Kam eşkeno vera waştişê haştîye vejîyo. Îqtîdar meseleya kurdî red keno. Kam ke vera ci vejîyeno sey 'terorîst' name keno. Tersê vînîkerdişî ra hêriş keno.''

Gunaye vat: ''Vanê meclîs adresê çarekerdişê meseleyan o la nêeşekeno bibo çimeyê xîyanetî.  Xîyanet oyo ke şima nê komelî kaş kenê mîyanê şerî.  Xîyanet zîhnîyetê dişmenîye yo, polîtîkayê şima yê ke şar vêşan kerdo. Şima se kenê bikerê nê welatî de de heme meseleyî bêrê çareserkerdene. Welat do bireso rojanê roşnîyan. Semedê naye zî ganî muxalefet berpirsîyarîya xo bîyaro ca. Ma pê bawer ê ke ma do pêro pîya welatî na tarîtîye ra bixelisnê.''

Ebru Gunaye qiseykerdişê xo wina qedîna: ''Erdoganî bado ke meseleya kurdî înkar ked, seba ke feqîrîya ke şar anceno aye zî înkar bikero sey kayêkî  pîya bi arteşêkê çapemenîye şi market û çî-mî girewt. Dima ra vejîya teber û senî ke pê şarî bêqûnî bikero vat' fîyatî vay nîyê.'  Pê înkardişanê winayan  xo rezîl keno. Şarê ma rîyê înan rinda dîyo ewro ra tepîya  do pa mexapîyo.''