Vervatoxa HDPyî  û Wekîla Mêrdînî Ebru Gunay Meclîs de budçeya 2021î ser o qisey kerd. Gunaye pare kerd ke pêvînayîşê budçe binê şert ûmercanê janî de ameyî kerdene û vat: ''Tesîrê janî ekonomî ra heta edaletî tesîrê her warî keno. Budçeya pêşnîyaze mojnena ke têna seba Qesre vurîyayîşî estê. Na budçe budçeya qesre, şer û terefgîranê îqtîdarî ya. Budçeya şaran nîya. Tirkîya de feqirîye zêdîyaye.''

Gunaye ard ziwan ke serra 2021î do seba kedkar, bêkar û feqîran biba serrêka çetine û vat: ''Ma eşkenê budçeya ke terefgîra ked, haşîtî, têdûştîya cînsî, pawitoxa weşî û xoza virazê. Coka ma reyna 'Budçeya Şarî' pêşnîyaz kenê û ma do na budçe bipawê.''

Gunaye bale ante tecrîdê vera Rayberê Şarê Kurdî Abdullah Ocalanî ser û vat: ''Polîtîkaya tecrîdî tewr zaf Îmrali de yena caardene. Abdulah Ocalan, Omer Hayrî Konar, Hamîlî Yildirim û Veysî Aktaş nêeşkenê keye û avûkatanê xo bivînê. Grevê vêşanîye yê vera nê tecrîdî roja 12. de dewam keno. Ma vînenê ke ewro no tecrîdo mutlaq Îmrali ra vejîya û pêro Tirkîya vila bîyo. Coka ganî no tecrîd cade bêro wedaritene û peynîya binpaykerdişê heqan bêra ardene.''