Vervatoxa HDPyî Ebru Gunay Merkezê Pêroyî yê HDPyî de kombîyayîşê çapemenîye de rojdem ercna.

Qiseykerdişê Gunaye ra beşêk wina yo:

''Vizêr tepişteyanê nêweşan Abdulrezak Şuyur û Halîl Guneşî zîndanan de dinyaya xo bedilnaye. Tedawî û heqê weşîye yê wird tepişteyan zî ameybî astengkerdene. Ê terkê mergî ameybî kerdene. Halîl Guneş 29 serrî zîndan de mendbi, nêweşê kanserî bi, xeylêk zîndanan rê amebi surgunkerdene la belê oyo ke îqtîdarî û Wezîrîya Edaletî ci rê ferz kerdbî merg, zulm û îşkence bi. Bi nê hawayî zîndanî vurîyayî cayê mergî.

Garîbe Gezer zî zîndan de raşta tecawuz, îşkence û teda ameye. Gezere xîret kerd ke pê mektuban vengê xo bida eşnawitene labelê Wezîrîya Edaletî xo kerd kerr, kor û lalî. Morê xo da binê nê kiştişî ke sey xokiştişî ame mojnayene. Dezgehê Tipê Edlî wexto ke babete kurdî biba raporê kiştişî amade keno. No dezgeh vurîya dezgehêko winasên ke wexto ke babete mafya û çeteyî bibê raporê beratî amade keno. No mojneno ke vera kurdan û muxalîfan huqûqê dişmenîye yeno caardene. Ez wazena reyna vengê Wezîrîya Edaletî bikera ke wa kerdişanê bêhuqûqîyan ra fek vera bida ke zîndanî kerdê cayê mergî. Sere de Aysele Tugluk ganî pêro tepişteyê nêweşî vera bidîyê.''