Tepişteyanê PKK û PAJKî  derheqê şehadetê tepişteyanê nêweşan Halîl Guneş û  Abdulrezzak Şuyur yê ke zîndan de dinyaya xo bedilnaye de eşkerayîye daye û vat ê pê îşkenceyî ameyî qetilkerdene.

Denîz Kayayî ke bi nameyê tepişteyan eşkerayîye daye nê vatî: ''Nêtîceya polîtîkaya hêrişkare ya hukmatê AKP-MHPyî de embazê Halîl Guneş û  Abdulrezzak Suyur ê ke xeylêk wexto zîndan de yê pê îşkenceyî ameyî qetilkerdene. Pê qerarê nimiteyî yê derheqê dosyaya hemra Garîbe zî reyna ame vînayene ke hukm xoser nîyo û kiştoxî bewlî yê. Heyetê çimdarîye ke çarçewa qanûnê înfazî de têgêrenê sey metodê îşkenceyî yenê şuxulnayene. Vanê 29 serrî tay ê heta mergî tecrîd de bimanê. Embazanê ma yê ke warê zîndanî de semedê têkoşînê azadîye, demokrasî û heqîqetî emrê xo da şehadetê înan ra Wezîrîya Edaletî mesuldar o. Hem hetê huqûqî ra hem zî hetê şarê ma ra do cewabê berpirsîyaranê nê şehadetan bêro dayene. Hesab do bêro persayene. Şarê ma ganî vera zextanê serê zîndanan vengê xo berz bikero wirzo payan ser. Ganî îqtîdar û Wezîrîya Edaletî helêke cuwa ver tepişteyanê nêwaşan vera bidê. Reyna dezgehê mîyanneteweyî yê Mehkemeya Heqanê Merdiman a Eeropa  û CPTî seba ke wezîfeyê xo nêard ca rolê înan nê şehadetan de esto. Ganî dezgehê mîyanneteweyî sere de Îmrali vera tecrîd û zextanê zîndan têbigêrê. Ganî Hemleya Ma  Faşîzmî Birijnê, Tecrîdî Bişiknê û Rayber Apoyî reyde Bibê Azade bêro xurtkerdene. Vera caardişanê qirkerdişî ganî têkoşîn bêro pîlkerdene.  Ma soz danê hemrayanê xo  ke ma do waştişanê înan bîyarê ca. Rewşa xirabe ya zîndanan ra îqtîdarê AKP-MHPyî berpirsîyar o.''