Wekîlê HDPyî yê Îdirî Habîp Eksîkî derheqê tecrîdê vera Rayberê Şarê Kurdî Abdullah Ocalanî de qisey kerd. 

Habîp Eksîkî vist vîrî ke Tirkîya endama Konseya Ewropa (KE) ya ke KE wayîra mekanîzmayanê muhakemekerdişî û kontrolkerdişî yê Mehkemeya Heqanê Merdiman a Ewropa (MHME) û Komîteya Vergirewtişê Îşkenceyî (CPT) ya. Eksîkî vat CPT ganî Îmrali kontrol û zîyaret bikero.

Eksîkî vat: ''bêvengîya CPT û Konseya Ewropa ya vera tecrîdê Îmraliyî têkilîyanê sîyasî û ekonomîkan ra ya. Ganî bêvengdayîşî CPT wezîfeyê xo bîyaro ca. Na bêvengîya înan parçeyêkê Komployê Mîyanneteweyî yo.''

Eksîkî îfade kerd ke semedo ke tecrîdê vera Ocalanî bêro wedartene ganî muracatê mekanîzmayanê neteweyîyan û mîyanneteweyîyan bêro kerdene. Eksîkî vat: ''Ganî dînamîkê demokratîkê Tirkîya bikewê dewre. Ganî semedê pêro tepişteyanê sîyasîyan têkoşîn bêro kerdene. Coka ganî bi partî û rêxistinanê demokratîkan ê Tirkîya têkilîye bêra ronayene û tewirêko demokratîk bêro mojnayene.''