Haci Lokman Bîrlîk 6 serrî verî 3ê teşrîna verêne de Şirnex de amebi qetilkerdene û cenazaya ci peyê wesayîtê zirxînî ra amebî kaşkerdene. Haci Lokman Bîrlîk serê gorê xo de ame yadkerdene.

Keyeyê Bîrlîkî, aktîvîstê Têgêrayîşê Cinîyan ê Azadan (TJA) û îdarekarê HDPyî yê Şirnexî tewrê merasîmê yadkerdişî bîyî.

Hemserekê HDPyî yê Şirnexî Kamuran Demîrî merasîm de qisey kerd û pare kerd ke ê do qetî nê zulmî xo vîr a nêkerê. Demîrî vat: ''Heta ke ma xeyalanê Embaz Haci Lokmanî bîyarê ca têkoşînê ci rê dewam bikerê.

Merasîmî ra dima girseyî keyeyê Bîrlîkî zîyaret kerd. Dadîya Bîrlîkî Nazîre Bîrlîk vat: ''Eke ma yew bibê ma eşkenê heqê her çîyî ra berê. Lajê mi merd la wa zerrîya dadîyan ê bînan nêvêşa. Haci embaz û hemrayê şima bîyî. Şima zî mi rê sey Haciyî yê.''