Halîse Aksoy serrêke ra dima vera dîyaye
Halîse Aksoya ke esteyê lajê ci yê gerîlayî Agît Îpekî zereyê yew qutuyî de bi kargoyî erşawîyabî aye, îfadeyanê îtîrafker Umît Akbiyikî ser o tepişîyabî. Dayîke Halîse serrêke ra dima vera dîyaye.
HALÎSE AKSOY VERA DÎYAYE
Esteyê gerîlayê şehîdî Agît Îpekî zereyê yew qutuyî de bi kargoyî erşawîyabî dadîya ci Halîse Aksoy.
Dayîke Halîse 28ê nîsana 2023yî de îfadeyanê îtîrafker Umît Akbiyikî ser o tepişîyabî. Roniştişê dewaya vera dayîke Halîse Mehkemeya Cezaya Girane ya Amedî de ame kerdene. Dayîke Halîse avûkatanê xo reyde tewra roniştişî bîyî.
Mehkeme bire daye ke Halîse Aksoy tehlîye biba. Roniştiş taloqê 18ê nîsane ame kerdene.
