Bajarê Hamburgî yê Almanya de semedê aktîvîstê kurdî Kenan Ayazî ke bi waştişê Almanya Kibris de ame tepiştene û ame îadekerdene û Kadir Sakayî ke Bremen de ame tepiştene û şawîya Zîndanê Hamburgî, verê zîndanî de mîtîngê paşdayîşî ame kerdene.

Mîtîng hetê Komîteya Kenan Ayazî rê  Azadîye ra ame organîzekerdene. Wekîlê HDPyî yê verênî Nîhat Akdoganî ke mîtîng de qisey kerd ard ziwan ke cayo ke tede tecrîd û înkar est o ûca de merdimîye nêbena.  

Aktîvîste Anja Flach zî ard ziwan ke rixmo ke vera Ayazî sûcdarîya girane çîn a semedê kêfweşîya Erdoganî serrêke ra zafêr o ke zîndan de yo û vat: ''Kenan Ayaz beno qûrbanê menfeatê ekonomîk û leşkerî yê mabênê dewleta alman û tirke. Ganî ma Ayaz û Sakayî roniştişanê dewa de têna meverdê.''

Hunermend û eynî wextî de merdimê Kenan Ayazî Serhado zî tewrê çalakîye bi. Qiseykerdişanê bi nameyê Defend Kurdîstan û Komeleya Kurdan a Hamburgî de zî ame waştene ke wa Ayaz û Saka cade bêrê veradayene.

Aktîvîteya paştdayîşî bi deyîranê Serhadoyî û slogananê "Bijî berxwedana zindanan" qedîyaye.