Çalkaî  bi deqayêkê rêzgiretişî dest pêkerd û rayraşîyayîşî de pankartê ''PKK têgêrayîşêko ekolojîk o'', ''PKK têgêrayîşêko femînîst o'' ameyî akerdene û zaf ala û flamayî ameyî berzkerdene.

Zaf kurdîstanijî û grûbê otonomgîrê almanan tewrê rayraşîyayîşî bîyî û bale ameye antene ke  bira qedexeyî bi waştişê Tirkîya ameye girewtene.

Qiseykerdişan de ame parekerdene ke hêrişanê artêşa tirke yê vera Kurdîstanî de çekê Almanya yenê xebitnayene û bi nê hawayî Almanya bena hemparê sucanê merdimîye yê Tirkîya.

Rayraşîyayîşî de sloganê ''Biciwîyo paştdayîşo şorişgêr'', ''PKK şar o, şar tîya yo'', ''Qedexeyê vera PKKyî rê ney'' ameyî vatene. Rayraşîyayîş bi nawnayîşêko ke Sternschanze ame kerdene qedîya.