Hemserekê HDPyî yê Amedî Zeyyat Ceylanî ANFyî rê qisey kerd. Ceylanî ard ziwan ke îqtîdarê AKP-MHPyî dişmenîya kurdan ser o şer kena û meseleyê welatî zî netîceyê nê şerî yê. 

Ceylanî bale ante têkilîya mabênê şer û tecrîdî, şer û krîzê ekonomîkî ser û vat: ''Sîyasetê şerî bi hawayêkê tecrîdî tesîrê pêro komelî keno. Tecrîd sey sîyasetê şerî mîyanê komelî ra gêreno. Coka duştîya vera şerî, têkoşînê vera tevrîdî yeno manaya haştîya komelkîye. Haştîya komelkîye zî têna kurdan nê her kesî rê do fayde bikera, bida qezençkerdene. 

Îdeolojîya HDPyî xurtkerdişê sîyasetê haştîye ferz kena.  Têkoşîn û îdeolojîya HDPyî seba cuya azade û têdûşte ya. Ganî haştîye, çareserîya demokratîke û sîyaseto demokratîk bêrê serwerkerdene. No do bikero ke ma pêro qezenç bikerê. Ma xîret kenê ke sîyasetê komelkî bikerê. HDP adresê çareserîye yo.''

Ceylanî da zanayene ke HDP xo resneno şarî û bi nê hawayî raywanîya xo rê bi xurtî dewam keno. Ceylanî vat: ''Wezîfeyê ma yo ke ma ciwanan rêxistin bikerê, ma rêxistinîya cinîyan biresnê dînamîkanê komelî. Hetê madî û manewî ra çîyêk nêmendo ke no îqtîdar bido şarî. Ganî komel destê nê îqtîdarî ra bêro xelisnayene. No zî pê têkoşînê komelkî û rêxistinîya komelkîye beno. Ganî burokrasîya dewlete bizana ke şer de israr şaşî ya û na şaşîye bikera ke ma pêro vînî bikerê. Haştîya kurdan bikera ke Tirkîya qezenç bikera. Coka ganî vengê haştîye yê Abdullah Ocalanî bireso komelî.''