Hemsereka Pêroyî ya DEM Partî Tulaye Hatimogullari çarçewaya kampanyaya ''Kede û Edaletî'' de Êlih de karkeranê reyde ameye têhet û dima ra şaredarîye zîyaret kerd.

Hatimogullari pîya girseyî bi Petrol-Îşî ra heta Şaredarîya Riha bi sloganan “Bijî berxwedana zîndanan”, “Ma do bi têkoşînî ser bikewê”, “Jin jiyan azadî” û “Qeyûmî do hesab bidê şarî”  rayra şîye.

Badê zîyaretî verê şaredarîye de eşkerayîye ameye dayene. Tulaye Hatimgollari seba ke kurdî  rîyê govende ra yenê destbendkerdene û tepiştene hêrsê xo ard ziwan û wina vat: ''Mersin, Sêrt, Êlih û Îstanbul de kesanê ke bi kincanê xo yê herêmî gonvende girewte sey sûcdarî ameyî îlankerdene. 90yan de veyveyî ameyênî sereştene, veyve û zama ameyêne destbendkerdene. Senî ke şarê bînî govende genê şarê kurdî zî bi kulturê xo govende geno. Nê nêzdîbîyayîşî ma qebûl nêkenê. Kesê ke ameyî tepiştene înan rê wina ameo vanetene 'seba ke şima kurdkî deyîrî vatî û kincê herêmî kerdî piray ma mecburê ke şima tepişê'. La ê se kenê wa bikerî ê nêeşkenê govenda ma, kultur û ziwanê ma asteng bikerê. Ma nika her kesî govenda azadîye rê pawenê.''

Hatimogullari dima ra pîya hemwelatîyan govende girewte û reşwe protesto kerd. Govende pîya bi çapik û tîlîlîyan sloganê sey “Jin, jiyan, azadî” û “Ma do bi têkoşînî ser bikewê ” ameyî vatene.