Kongreya 14ine ya Komeleyanê Kulturî yê Elewîyan Merkezê Kongre û Kulturî yê Neşat Ertaşî de ameye kerdene.

Hemsereka Pêroyî ya DEM Partî Tulaye Hatîmogullari beşdara kongre bîye, qirkerdişê vera elewîyan şermezar kerd û dîyar kerd ke seba vindarnayîşê qirkerdişê elewîyan kurdî xîret kenê.

Tulaye vat: ‘’Ma do nê qirkerdişan qetî xo vîr a nêkerê û nêdê vîrakerdene. Ma zanenê ke tayê hêzî eşkenê verê nê qirkerdişan bigêrê la temaşe kenê. La elewîyan çar parçeyanê dinya de vengê xo berz kerd. Hesekê û Qamişlo de zî way û birayê ma yê kurdî seba vindarnayîşê qirkerdişê vera elewîyan mîyanê xîretêkê pîlî de yê.’’