Komîteya Rayberdişî yê HBDHyî derheqê hêrişanê vera Eyn Îsa û Til Temirî de eşkerayîyêka nuştekîye daye.

HBDHyî vist vîrî ke dewleta tirke cerganê xo reyde bi mengan o Eyn Îsa û Til Temirî dana bombayan ver û wazena Îdareyê Xoserî birijna. HBDHyî bale ante ser ke şarê Eyn Îsa û Til Temirî Rojawanî wayîrê Şorişê Rojawanî vejîyeno û vera hêrişanê îşxalkeran xo ver dano.

HBDHyî pare kerd ke ganî şarê Rojawanî têna nêmano û seba ke şarê bindestî faşîzmê dewleta tirke ra bixelisê ganî paştdayîşêkê xurtî awan bikerê.

HBDHyî vat: ''Seba ke polîtîkayê emperyalî bêrê çinkerdene û faşîzm gonîya xo de biqeniqîyo ma paştî bidê xoverdayîşê Til Temir û Eyn Îsayî. Têkoşîno hempar û paştdayîşê şaran ê bindestan vera emperyalîzm û faşîzmî çeka ma ya tewr xurt a. Ma do na çeke ewro zî seba xoverdayîşê şarê Rojawanî bixebitnê ke seiba temamîya herême de paştdayîşo xurt ê şaran bêro afernayene.''