Têgêrayîşê Şorişê Yewbîyayeyî yê Şaran  (HBDH) bi eşkerayîyêka nuştekîye kesê ke Qirkerdişanê Mereş, Ronoskî û 19ê Kanûne de ameyî kiştene yad kerdî û vat 'aya qirker û kiştoxe dewleta TCyî ya'.

HBDHyî vat: "Hema hema her roja kedkaran, elewîyan, kurdan û cinîyan bi qirkerdişî, teda û şîdetî vêrena ra. Senî ke semedê qirkerdişan yew o, semedê xelisîyayîşî û têkoşînî zî yew o." Eşkerayîye de ame vatene ke nê welatî de karkerîye, kedkarîye, cinîbîyayîş, elewîtîye û kurdayetîye sey sucêk yenê dîyene û her kurd sey terorîst yeno dîyene û merdim nêeşkeno na dewlete ra hêvîya azadîye û edalet bipawo. HBDHyî ard ziwan ke Qirkerdişê Mereşî, Roboskî û 19ê Kanûne yê Zindanan nênê vîrkerdene. HBDHyî vat: "Dewleta TCyî qirker û kiştox a. Aya ke mabênê şaran, bawerîyan û ziwanan de cîyatîye kena, nîjadperestîye kena sucdarêka tewr pîle dewleta TCyî ya. Ya ma do pêro pîya bi azadîye, edaletî, têdûştîye şorê yan zî çilkê gonîye her roje do bibê zêdêr."