Komîteya Rayberdişî ya Têgêrayîşê Şorişî yê Yewbîyayeyî yê Şaran (HBDH) serrgêra Qirkerdişê Madimakî yo ke 2ê temmuza 1993î de amebi kerdene de qurbanî pê eşkerayîyêke yad kerdî.

HBDHyî vist vîrî ke nîjadperestanê faşîstan Otêla Madimakî de 35 roşnvîr û hunermendî pê adirî qir kerdî û na hişmendîya nîjadpreste ewro îqtîdar de ya. HBDHyî bale ante ser ke nîjadperestîye, şovenîzm û faşîzm cara karakterê dewleta tirke de estê û Ataturkî ra heta Erdoganî pêro îqtîdarê tirkîya faşîst bîyî.

HBDHyî pare kerd ke Tirkîya de armanî, rûm, sûryan elewîyî û kurdî ameyî qirkerdene û da zanayene ke heta ke kokê Komara Tirkîya nêrê vurnayene na hişmendîya faşîste do dewam bikera.

HBDHyî peynîya eşkerayîya xo de wina vat: ''Vergirewtişê qirkerdişan pê têkoşînê şarî beno. Qet yew hêz nêeşkeno verê têkoşînê şarî û çalakîyanê gerîlayan bigêrê. Ma verê vîrameyîşanê şehîdanê Qirkerdişê Sêwasî de rîyê xo anê war. Ma soz danê ke hesabê ney bipersê û faşîzmî birijnê.''