Komîteya Rayberdişî ya Têgêrayîşê Şorişî yê Yewbîyayeyî yê Şaran (HBDH) bi wesîleya serrgêra qirkerdişo ke dewleta tirke bi nameyê 'Operasyonê agêrayîşê cuye' zîndanan de kerdbi eşkerayîyêke weşanaye.

Eşkerayîye de bale ameye antene polîtîkayanê vera zîndanan ser û ame vatene  ke dewleta tirke pê nê polîtîkayan armanc kena ke tepişteyî bêhêz û bêîrade bikerê. HBDHyî vist vîrî ke zîndanan de tecrîd, tecawuz û tacîzî asta tewr pîle de sey hacetê şerê taybetî yenê caardene la rixmê ney zî tepişteyî teslîmê nê polîtîkayan nêbenê.

HBDHyî vat: ''Tepişteyê şorişgêrî bi zorî zîndananê tipê Fyî de ameybî cakerdene, înan rojeyê mergî kerd û sereyê xo nêard war. Înan seba ke hesabê embazanê xo yê bêmergan bipersê û tecrîdî bişiknê bedenê xo da mergî ver. O çax zîndanan de 122 neferanê şorişî hêrişê dişmenî pûç kerdî. Dişmen vizêr zîndanan de se kerdêne ewro zî eynî çi keno. Îqtîdarê AKP-MHPyî nê polîtîkayanê dişmenîye zîndanan de ano ca. Rixmê nê kerdişan zî bi desan şorişgêrî zîndanan de xoverdayîşê xo geş kenê. Ma embazanê xo yê ke 19-22yê kanûne de tewrê karwanê şehîdan bîyê bi rêzdarî yad kenê. Ma do têkoşînê vera tecrîdî û hêrişanê teslîmgirewtişî berz bikerê.''