Têgêrayîşê Şorişgêrî yê Yewbîyayeyî yê Şaran (HBDH) eşkerayîya nuştekîye daye û nê pare kerdî:

''Ma sey mîlîsanê HBDHyî hemleya xo ya şorişgêre ya  'Ma do faşîzmî birijnê û azadîye qezenc bikerê' ya ke ma 2020î de dabî destpêkerdene ma 2021î de aver berde û pîlêr kerde. Gerîlayanê ma waranê şerê şorişgêrî de mîlîsanê ma kuçeyan de her ca de ma pêro pîya bi şarî dahîna zaf ameyî têhet, aver şîyî  û bîyî pîl. Serra 2021î de vera kiştoxanê kurdan, elewîyan, cinîyan û êyê ke ameyoxê ciwanan destê ci ra genê ma payra bî û vera organîzatoranê hêrişan ma bi seyan çalakîyî kerdî. Mîlîs û gerîlayanê HBDHyî her ca de hesab persayî. Ma paştî daye dostan û dişmen tersna.  Ma dêsê tersî yê faşîzmî rijnayî. Ma wezîfeyê xo yo tarîxî ard ca. Ma patronî, kiştoxê kurdan, kiştoxê cinîyan hedef girewtî û xoverdayîşê zîndanan û gerîlan selam kerdî. Ma serra 2021î de 128 çalakîyî kerdî. Ma do zafêr têkoşîn bikerê. Faşîzmê AKP-MHPyî yo ke peynîya ci nêzdî bîya ma do birijnê. Ça de bêedaletîye esta HBDH do uca de bo. Serra 2022yî de ma do hemleya xo pîlêr bikerê.''