HBDHyî waranê gerîlayan ra heta hucreyanê fabrîkayan, rêxistinanê  warî û hêzanê milîsan venga kedkar, karkerd, cinî û ciwananê Kurdîstan û Tirkîya da ke wa faşîzm birijnê.

HBDHyî eşkerayîya xo de îfade kerd ke faşîzm û zulmê dewleta tirke pêro welatî girewt. HBDHyî eşkera kerd ke vera nê zulm û faşîzmî ê kampanya û seferberîya newîye ya têkoşînî danê destpêkerdene.HBDHyî da zanayene ke çarçewa seferberîya newîye de ê do bidê faşîzmê îqtîdarî ro, alaya şorişî her ca de berz bikerê û îqtîdaro faşîst pêro waran de do bibo hedefê hêzanê Şorişê Yewbîyayeyî.

HBDHyî peynîya eşkerayîya xo de venga pêro şar, kedkar, karkerd, cinî û ciwananê Kurdîstan û Tirkîya da ke tewrê hêzanê înan bibê û pêro îmkananê xo pêşkêşê têkoşînê Şorişê Yewbîyayeyî bikerê. HBDHyî vat: ''Ma venga pêro bindestan danê ke tewrê têkoşînê Şorişê Yewbîyayeyî bibê û seferberîye geş bikerê.''