Kongreya Demokratîke ya Şaran (HDK) do derheqê koçî, multecîtîye û cîyakerdişî de sempozyumêk serûber biko.

HDKyî beyanatê sempozyumî de vat: "Vizêr kurdî reyna waranê xo ra bîyî û neçare mendî ke şaristanan de biciwîyê. Nê şaristanan ra zî ameyî vetene û tedaya înan kerde. Ewro zî şarê Sûrîye, Afganîstanî mîyanê nê şertan de ciwîyenê. Cinîye, domanî û lgbt+î tesîrê nê çîyan de manenê û bi înan cîyakerdiş yeno kerdene." HDKî pare kerd ke ê wazenê mesela multecîyanê Sûrîye munaqeşe bikê. Sempozyum do 16-17ê teşrîna peyêne de Tîyatroyê Kenterî yê Şîşlî de bêro serûberkerdene.