Kongreya Demokratîke ya Şaran (HDK) seba şermezarkerdişê operasyonê qirkerdişê sîyasî verê bînaya merkezîye de çalakîyêke kerde.

Hemvervatoxê HDKyî Esengule Demîr û Cengîz Çîçek, Wekîlê HDPyî Tulaye Hatîmogullari, Musa Pîroglu, Dilşate Canbaz, Sezaî Temellî, temsîlkarê Partîya Newe Ra Sosyalîste (SYKP), Partîya Sosyalîste ya Bindestan (ESP), Partîya Şorişgêre û xeylêk rêxistinê komelê sivîlî tewrê çalakîye bîyî.

Cayê çalakîye de pankarta bi nuşteyê 'sereştiş, destbendkerdiş, tepiştişî do pê ma nêeşkê, ma pîya HDKyî bipawê' ameye daliqnayene.

Hemvervatoxê verênî yê HDPyî Sedat Şenogluyî bale antê hêrişê dezgehanê ke semedê demokrasîyî û azadîye têkoşînî û şarî ser û vat ê sey hêzanê ke têkoşîn kenê û sey dezgehanê ke bawerîya înan yewîya şaran rê est a,  rixmê heme hêrişan tim sereberz payra yê.

Veratoxa HDPyî Esengule Demîr zî vat: ''Saetanê serê sibayî de dewleta mafya bêrê ma şikiştî, kewte zere, dest na  komputuranê ma ser. Dewleta huqûqî de çîyo winayên nêbeno la tîya Tirkîya ya. Nê welatî de huqûq çîn o, heqê merdiman yenê binpaykerdene. Tîya qala hukmatê mafya yê AKP-MHPyî ravêrtîya. HDK do çirey paradîgmaya azadîye û demokrasîyî ra tewîz medo. HDK heqanê heme îtîqat û şaran paweno û pêrune secîye geno dest. Hêrişê ke ewro vera mabenê do meeşkê verê têkoşînê ma yê sîyasetê demokratîkî bigêrê. Ma do çirey peyser game meerzê. Reyna komeleya GOÇÎZDERî ra embazî ameyî destbendkerdene. Pîya bi sereştişê merkezê ma sere de Îstanbul, Edirne, Tekirdag, Çewlî û Çanakale de xeylêk kesî ameyî destbendkerdene. Sebebanê sereştiş banê ma ra yew zî oyo ke ma çend rojî verî tîya da eşnawitene ke ma de vera tecrîdê serê Birêza Ocalanî ver bi Gemlikî rayra şirê. Ma eşkera sîyaset kenê. Ma tîya yê, têkoşînê ma do tim dewam bikero.''