Meclîsê HDKyî bale ante ser ke bingeyê hêrişê îşxalî, tecrîdê Îmraliyî, talanê vera kede û xoza, polîtîkayê çînkerdişê vera cinîyan û ciwanan de meseleya kurdî esta û vat şarî têna eşkenê pê têkoşînê hemparî bixelisîyê.
Kongreya Demokratîke ya Şaran (HDK) kombîyayîşê Meclîsê Pêroyî yê Dewrê 11. banê Rêxistina HDPyî ya Qezaya Bagcilarî ya Îstanbulî de kerd.
Hemvervatoxê HDPyî Esengule Demîr û Cengîz Çîçek û Parlamenterê HDPyî yê Îstanbulî Mûsa Pîroglu û xeylêk kesî tewrê kombîyayîşî bîyî.
Hemvervatoxê Esengule Demîr û Cengîz Çîçekî destpêkerdişê kombîyayîşî de qisey kerd û bale ante ser xeylêk babetanê giranan û polîtîkayanê înkerî ser. Hemserekan qûrbanê komkiştinanê Madimak û Çorûmî zî yad kerdî.
Hemvervatoxan bale ante ser ke bingeyê hêrişê îşxalî, tecrîdê Îmraliyî, talanê vera kede û xoza, polîtîkayê çînkerdişê vera cinîyan û ciwanan de meseleya kurdî esta û vat şarî têna eşkenê pê têkoşînê hemparî bixelisîyê.
Badê qiseykerdişê hemvervatoxan kombîyayîş çapemenîye rê qefilnayene dewam kerd.
