Vervatoxa Komîsyonê Polîtîkayanê Perwerde, Spor, Kultur û Hunerî yê HDPyî Sevtape Akdag Karahanli derheqê qedexekerdişê tîyatroyê kurdkî de eşkerayîyêke daye.

HDPyî eşkera kerd ke koma Teatra Jîyana Nû komêka serkewte ya, morê xo da binê kayanê serkewteyan û kayê Bêrû verê cû xelate girewta. HDPyî vat: ''No rûmetê tîyatroyê kurdan o. Êyê ke têna eşkenê morê xo bidê binê kaxidan ro, do nêeşkê verê tîyarto û ziwanê kurdkî bigêrê. Kurdkî û tîyatroyê kurdkî bi destûrê qeymeqaman nêvirazîyayî, her keye halînêkê kurdkî yo, her cayo ke tede hîrê darî û perdeyêk estê, warê tîyatroyê kurdkî yo. Teatra Jîyana Nû bi serkewtişî do karanê xo dewam bikera. Şima pê kurdkî û tîyatroyê kurdkî nêeşkenê Ganî na bira qedexeyî cade bêra wedaritene.''